Long hair

Russian Rapunzel kung tawagin si Anastasiya Sidorova dahil sa kanyang napakahaba at magandang buhok. Nagtatrabaho siya bilang  trichologist o ‘yung espesyalista sa buhok at anit.

Sikat si Anastasiya sa Instagram world dahil sa kanyang mga tips sa pagpapahaba ng malusog na buhok.

Minsan na kasi siyang pinahirapan ng alopecia, isang kondisyon kung saan nakakalbo ang malaking bahagi ng buhok at ng iba pang parte ng katawan na tinutubuan ng buhok.

Pinatunayan niyang may pag-asa pa sa mga napapanot at nakakalbo kung magiging positibo ang tingin sa buhay at kung susundin ang mga sumusunod:

Balansehin ang mga kinakain at huwag basta-basta magpaniwala sa mga diet plans.

Iwasan ma-stress.

Gumamit ng produkto na naaayon sa iyong hair type.

Gumamit ng nourishing mask dalawang beses sa isang linggo.

Gumamit ng mga oil na maganda para sa buhok gaya ng avocado oil.

Ipaputol ang split ends.