Masigasig na OFW
Bago pa umalis ng ‘Pinas para magtrabaho sa ibang bansa, tiyak na naka-set na ang goals ng overseas Filipino workers. Gaya nang kumita ng malaking suweldo, makaipon, at iuwi ang pera. Pero ang realidad, ang trabaho sa ibang bansa ay napakakumplikado kaysa sa iniisip o pinapangarap ng iba. Maraming distraction at tukso ang humahatak kaya hindi matupad ang sariling layunin bilang overseas manggagawa sa ibang bansa.
Maraming OFW ang matagal nang inaabot ng taon sa abroad, pero nakikita ang kanilang sarili na “empthy handed” na hindi malaman kung bakit hindi nila nagawang makapag-ipon hanggang sa ang desisyon ay bumalik na lang ng ‘Pinas.
Tandaan, ang pagkakaroon ng malaking suweldo sa ibang bansa ay hindi garantiyang makakaipon ng pera, kung hindi masigasig na gagawin ito. Kapag minamalas pa ang OFW, dumarating ang mga hindi inaasahang pangyayari tulad ng aksidente, pagkakasakit, maloko, at matanggal sa trabaho.
Ang mga matagumpay na OFW ay yung nagagawang mag-provide sa pangangailangan ng kanyang pamilya. Mayroon pang naipupundar na maliit na pangkabuhayan na pinapalago ng pamilya. Umuwi man siya sa ‘Pinas pagkatapos ng kontrata ay merong paiikutin na negosyo ang kanyang pamilya.
- Latest