Pangtago ng gasgas sa kahoy na pinto at muwebles
Kakambal na ng pagiging “pet parent” o ‘yung mga may alagang aso o pusa ang pagkakaroon ng malaking pasensya. Mahirap din ang magmintina ng mga kagamitan sa bahay lalo na ng mga kahoy na lamesa, upuan, at pintuan kung may alaga kayong aso at pusa. Hindi kasi ligtas ang mga ito sa gasgas na siyang karaniwang ginagawa ng mga alaga para linisin ang kanilang mga kuko.
Isang solusyon sa nasabing problema ay ang paglalagay ng wood stain at varnish. Punasan lamang ang bahaging may gasgas at siguruhing walang dumi o alikabok. Pahiran lang ng wood stain o varnish ang pinto o muwebles na kahoy at patuyuin. Maitatago na ang gasgas ng mga ito.
Maaari ring gumamit ng gel stain kung gusto n’yo ng mas pulidong resulta.
Ito po ang inyong Kumpunerong Kuya na nagsasabing, kung gusto maraming paraan!
- Latest
