Pasko sa Germany

Ilang tulog na lang at Pasko na. Kanya-kanya nang tayo ng Christmas tree at Christmas decoration ang mga tao sa kanilang tahanan. Pero alam n’yo ba na ang Pasko sa Germany ay unang nagsimula sa selebrasyon ng kapistahan ni St. Nicholas na December 6?

Ayon sa tradisyon, ang mga bata ay binibisita ni Nikolaus (Santa Claus) at Knecht Ruprecht (kasama ni Sta. Claus ayon sa German folklore) sa bisperas ng December 6. Kung ang mga bata ay naging mabait sa nagdaang taon ay makatatanggap sila ng mga maliit na regalo tulad ng tsokolate at kendi na iniiwan sa bota o medyas na nakasabit sa tabi ng bintana. Kung ang isang bata naman ay naging salbahe, tungkod ang iiwan sa kanya ni Santa.

Ang Christmas tree naman ay kadalasang itinatayo bago ang Christmas eve.

Hindi mawawala ang iba’t ibang spiced cakes, cookies, at dessert sa traditional German Christmas.