Nanay Umaasa sa Lalaki

Dear Vanezza,

Single mother ang nanay ko at wala siyang trabaho. Nalulungkot ako na nagpapaalipin siya sa karpinterong ka-live in niya na ginagamit ito para magkapera siya at mairaos ang buhay namin. Kaya kahit minumura at pinagsasabihan na siya ng masasakit na salita ng hilaw na stepfather namin ay pinagtitiisan niya. Wala rin akong magawa, kundi magtiis para makatapos ng aking pag-aaral. Paano ko ba matutulungan si nanay? – Isay

Dear Isay,

Maaaring payuhan si nanay mo na magnegosyo kahit maliit. Pagbutihin din ang iyong pag-aaral nang matutong tumayo sa sariling paa at nang hindi umasa sa ibang tao. Magsilbing aral sana sa iyo ang sitwasyon ng iyong nanay para hindi matulad sa kanyang kapalaran na umaasa at gumagamit ng lalaki maitawid lang ang inyong buhay.

Sumasainyo,

Vanezza