Extra Charges ng Credit Card

Kung nagbabalak mag-travel kailangang ma­ging exchange expert. Ang magandang palitan ng rate ay doon mismo sa destinasyong bansa na kadalasan ay sa ATM bank.

Ang foreign bank ay mas mababa ang palitan ng rate kaysa sa commercial exchange counter. Ang palitan ay ang total amount ng pera na base sa gagastusin ayon sa budget.

Tawagan agad ang banko at credit card ng mas maaga bago ang trip sa ibang bansa para malaman kung magkano ang foreign transaction fees. Ang ibang banko ay may charge yung ilan minsan ay wala na depende sa policy ng kompanya. Kung ahead of time na makipag-ugnayan sa banko, mababawasan ang pag-swipe ng hawak na credit card kung hindi kailangan para hindi lumaki ang  charges. Madalas pag-uwi ga­ling ng bakasyon, marami ang nagtataka sa laki ng extra charges ng kanilang credit card. Dahil hindi muna inalam kung magkano ang transaction sa service charge sa bawat pag-swipe ng credit card sa pagliliwaliw sa ibang bansa.

Ang ibang credit card companies ay puwede i-freeze ang card na hawak kapag hindi sila sinabihan ng ahead of time. Dahil iisipin ng company na baka nanakaw ang card o gamit ng iba na may transaction sa ibang  bansa.

Ang courtesy call sa inyong credit card company ay magsasalba ng kahihiyan kung gagamitin ito sa gift shop o restaurant sa trip sa abroad.