Misis na Nabuntis sa Abroad
Dear Vanezza,
Nag-abroad ang misis ko sa Dubai at naiwan sa akin ang dalawang anak namin. Dalawang taon na hindi nakauwi ang misis ko. Pinapunta niya ang anak namin sa Cebu para makita raw ng mga biyenan ko. Hinatid ko sila sa eroplano. Pero hindi na sila ibinalik sa akin. Hanggang nakipaghiwalay na ang misis ko sa akin. Nalaman ko na lang na buntis ang misis ko at ayaw nang bumalik sa akin na nag-file na ng annulment. Paano ko ba sisimulan ang buhay ko mag-isa? – Boyet
Dear Boyet,
Mahirap ang sitwasyon mo, pero dapat tuloy ang buhay. Magpakatatag ka na gawing busy ang sarili. Hindi natin maintindihan, pero kailangang matutong magkaroon ng lakas ng loob na malampasan ito. Lilipas din ang panahon at maghihilom din ang iyong sugat. Ang mahalaga ay huwag kang magpatalo sa sitwasyon.
Sumasainyo,
Vanezza
- Latest