Strawberries Flavored Milkis Masarap
BURP REVIEW
Dahil uso pa rin ang mga Japanese na pagkain at maging ang mga milk tea, may isang produktong umiingay na naman sa ating market, ito ang milk soda. Ang milk soda ay carbonated milk and yogurt drink na may iba’t ibang flavor. Available sa mga Japanese store at kahit ibang grocery sa bansa ang Milkis na produkto ng Lotte.
Rerebyuhin natin ang strawberry flavor ng nasabing milk soda.
Sa unang lagok, parang softdrink ang lasa nito pero hindi kasing acidic ng softdrinks. May tamis ito ng gatas at strawberry nga na masarap ang kombinasyon. Mas masarap itong inumin kung malamig kaysa sa naka-room temperature lamang. Hindi naman masyadong malasahan ang yogurt sa inuming ito. Bagay ito sa snacks na maaalat.
Pero mukhang hindi ito para sa lahat, dahil medyo kakaiba ang lasa. Burp!
Lasa: 4/5; Presentasyon: 4/5; Presyo: 4/5
Para sa mga suhestiyon tungkol sa pagkain, o kung mayroon kayong recipe na gustong ibahagi, maaaring mag-email sa [email protected]
- Latest
