Budul-Budol Gang

Minsan muntik nang mabiktima ng budul-budol gang ang anak kong naiwan sa bahay ng gabi. Tumawag pa mismo sa kanyang cell phone isang gabi.

Budul-budol Gang: Si Tita Jasmin mo ito naaksidente ang mama mo. Magdala ka ng pera....

Anak:  Napaisip muna ang anak ko na  nagtataka dahil wala naman daw ka­ming pera. Sabay tanong sa kausap niya... Ano po ang birthday ko?

Budul-budol : September 10, 2001.

Anak : Ah mali po!

Hindi na sumagot ang kausap niyang Budol-budol sa kabilang linya. Sabay nag-text sa akin ang anak ko at tinanong kung nasaan na ako. Nag-reply akong pauwi na. Saka ko na lang nalaman ang kuwento pag-uwi ko sa bahay.

Akalain bang alam ng Budul-budol gang ang cell phone number ng anak kong lalaki. Pati pangalan ng tita niya. Alam din ang birthday niya, mali nga lang ng taon. Mabuti na lang may wisdom yung anak ko na 11 years old lang that time na nakaisip na magtanong ng birthday niya.

Hindi ko tinuruan ang anak ko, pero magsilbing warning sana ito sa iba kung paano dapat makipag-usap ang bata sa ganitong sitwasyon. Thankful lang ako na iningatan at binigyan ng wisdom ng Panginoon ang anak ko, hindi ko akalain na maiisip ng isang 11 years old  na bata na katulad niya that time.