Mister Nag-post ng Pic ng Kabit
Dear Vanezza,
Nandito ako sa Singapore na nagtatrabaho bilang domestic helpers. Nag-post ang mister ko ng picture na may kasama siyang ibang babae sa Facebook. Isang buwan ko rin hindi nakausap ang dalawang anak ko. Hindi pala nakakapasok sa public school dahil walang pamasahe samantalang nagpapadala ako ng pera? Anong gagawin ko? – Mrs. DH
Dear Mrs. DH,
Bakit hindi ka humingi ng tuloy sa pamilya mo o sa pamilya ng asawa mo na nasa ‘Pinas para alamin kung ano ang totoo. Para matulungan din kalagayan ng mga anak mo. Tawagan at kausapin mo rin ang asawa mo at tanungin kung ano ang pinaggagawa niya habang wala ka. Pakiusapan na huwag pabayaan ang mga anak mo. Saka kayo mag-ayos ng kalokohan niya pagdating mo.
Sumasainyo,
Vanezza
- Latest