Magkasalubong na kilay

‘Di maikakailang ang kilay ang pinakapinagtutuunan ng pansin ng mga kababaihan.

Ang kilay din ang sentro ng beauty trends sa buong taon. Nagdaan na ang iba’t ibang klase ng kilay, nariyan ang isang linya lang na kilay na sumikat noong 1920s, 1940s naman nang sumikat ang kilay na napakataas o kung tawagin ay arched brows. 1950s nang pasikatin ni Audrey Hepburn ang makapal pero natural looking eyebrows.

Simula noon, nagpaikut-ikot na ang mga nasabing beauty trends na hanggang ngayong ay kinawiwilihan ng mga millennials at matatanda.

Ganun pa man, isang klase ng eyebrows ang parang hindi pa rin ‘tanggap’ ng mga tao. Ito ‘yung unibrows o ang kilay na magkasalubong. Nangyayari ito sa mga taong sobrang balbon. At dahil sa hiya, karamihan sa kanila ay pinaaahit ang gitnang bahagi nito.

Pero determinado ang model na si Sophia Hadjipanteli na ibahin ang tingin ng mga tao sa unibrows. Hindi niya ito ipinaahit at sa halip ay ipinagmamalaki pa. Isinusulong niya ang #UnibrowMovement sa social media.