Misis Naiinggit sa Kapitbahay

Dear Vanezza,

Sampung taon na kami ng mister ko at may isa ka­ming anak. Pero hindi niya ako binibigyan ng pera para sa personal kong needs. Sapat lang na pamalengke, gastusin sa bahay, at para sa anak namin. Gusto ko nang magtrabaho bilang domestic helper tulad ng mga kapitbahay ko.  Naiinggitan ako na may sarili silang bahay. Samantalang kami ay nakikipisan pa rin sa biyenan at mga hipag ko. Nasa isang maliit na kuwarto lang kaming tatlo ng asawa at anak namin. At least kapag umalis ako ay makakabili kami ng sariling bahay at may sariling pera pa ako. Tama ba ako? – Juliet

Dear Juliet,

Bakit hindi mo padagdagan ang perang intrega sa iyo ng mister mo. Hindi solusyon na iwan mo ang iyong pamilya para lang magkaroon ka ng sariling pera. Puwede naman magbukas ng tindahan o negosyo ng iyong puwedeng pagkakitaan, sa halip na iwan ang pamilya.

Sumasainyo,

Vanezza