Habit sa Pamimili

Kapag may pokus ay nababaling ang atensiyon sa goals ng buhay. Natututo ring maging masinop sa perang kinikita.

Para tuluyang mabago ang spending habits ay simulang magdesisyon sa pagitan ng kailangan o gusto lang sa buhay.

Tuwing bibili ng isang bagay ay tanungin ang sarili kung talagang kailangan ito o baka simpleng gusto lang.

Simulan ang proseso sa paglilista bago mag-shopping.  Gabi pa lang ay gawin na ang listahan bago ang planong shopping trip. Pagkagising ay i-check muli ang listahan at tingnan ang items na priority na dapat bilhin.

Bumili lang ng mga gamit na kailangan. Alisin sa listahan ang mga gusto lang na item bago pumunta sa mall o grocery.

Sa ganitong proseso ay matutuhang hindi lang basta bumunot sa wallet, dahil may pinaglalaanang goals na dapat unahin, bago ang luho.