Stroke at Depression

Bago atakehin ang isang tao ng stroke sinasabing maaaring dumadanas ito ng depression kaya puwedeng tumaas ang kanyang blood pressure.

Malakas makaapekto sa kalusugan ang sobrang pag-aalala sa mga problema. Kapag balisa ay hindi rin nakakatulog nang maayos. Ang tulog na kapos sa anim na oras ay mataas ang tsansa ng banta ng stroke at heart attack. Kung laging puyat ay nakararamdam na nahihilo, lutang, at sumasakit ang ulo.

Nawawalan ng ganang kumain. Minsan kung ano na lang ang maisipang kainin kahit hindi healthy na nasosobrahan sa paglantak ng maaalat, mamantika, at matatamis. Kaya bigla rin tataas at baba ang blood pressure. Hindi mapakali na imbes na magpokus sa kanyang trabaho at nababago ang moods. Pati ang physical na aktibidad ay apek­tado rin. Huwag kalimutan na kausapin at pasayahin ang mga magulang o matatanda na kasama sa bahay na baka may tinatagong problema. Para maibsan ang kanilang pag-aalala at maiwasan ang pagkakasakit nito.