Pagpapahalaga kay Misis

Pagpapahalaga sa asawang babae ayon sa utos ng Bible.

Seryosong mag-invest sa paglago ni misis spiritually. Bilhan siya ng libro, CD, at ibang material na magtuturo kay misis na mapalakas ang kanyang spiritual needs. Ipanalangin si misis. (Eph. 5:26)

Maglaan ng oras na ma-enjoy na samahan si misis. Tandaan, kapag ikaw ay pumanaw na, hanggang libingan ay mananatili sa tabi mo si misis, pero maaaring maging busy ang ibang kaibigan na pumunta sa iyong funeral. (Ecc. 9:9)

Huwag gamitin ang pera para manipulahin o kontrolin si misis. Ang lahat ng pera mo ay pag-aari niya. Kayo ay pinag-iisa sa biyaya ng Panginoon. (I Pet. 3:7)

Huwag ilantad ang kahinaan ni misis. Parang ibinunyag na rin ni mister ang kanyang sarili. Si mister dapat ang tagapagtanggol ni misis. (Eph. 5:30)

Igalang ang magulang ni misis at maging mabuti sa kanyang mga anak. Huwag magsasawa si mister na sabihin kay misis kung gaano niya ito kamahal sa buong buhay nilang mag-asawa. Ang mga babae ay hindi nagsasawang pakinggan ito. (Eph. 5:25) Lumago bilang Kristiano ang pinakamabisang paraan para maging mabuti at godly na mister. (Rom. 8:29)