Tatay Iniwan ng Tatlong Araw sa Morge

Dear Vanezza,

Ten years old pa lang ako noon ay iniwan na kami ng tatay ko kahit kami ang legal na pamilya. Bale ba apat ang babae ng tatay ko. Ang huli niyang babae ay iniwan si tatay ng tatlong araw sa morge nang mamatay ito sa sakit. Nalaman lang namin dahil sa nabasa ng kapitbahay ang pangalan ni tatay sa morge. Sa burol ay nagpuntahan lahat ng kanyang mga anak at asawa. Pati ang babaeng iniwan siya sa morge. Pagkalibing ay hinanap pa sa nanay ko ang abuloy at SSS benefits ni tatay. Hinihingi nila ang pension sa nanay ko dahil matagal na raw silang hiwalay ng tatay ko. Tama ba sila? – Marie

Dear Marie,

Dapat lang ang nanay mo ang legal na tumanggap ng pension ng iyong tatay. Dahil siya ang legal na asawa. Kung manghihingi ang ibang babae ng tatay mo para sa naiwang minor na anak, maaaring magtanong kayo sa legal assistance ng SSS para sa mas malinaw na paliwanag.

Sumasainyo,

Vanezza