Kulubot na mga Kamay?
Marami ang nagsasabi na sa ating mga kamay malalaman ang tunay na edad. Isa kasi ito sa mga parte ng ating katawan na pinakamabilis kumulubot.
Narito ang ilang tips para sa pag-aalaga ng ating mga kamay:
1. Tamang paghuhugas – Kung hindi naman kailangan, iwasan ang paggamit nga antibacterial na sabon na may matapang na amoy. Nakapagpapatuyot ito ng kamay. Gumamit ng mga sabon na may jojoba oil, olive oil, o aloe vera. Gumamit din ng maligamgam na tubig at hindi mainit na tubig. Iwasan din ang paggamit ng hand dryers.
2. Gumamit ng cloves – Nakararamdam ng ‘stress’ ang ating mga kamay dahil sa pagkababad sa polusyon, lamig, at iba’t ibang chemical. Kapag malamig ang panahon, gumamit ng cloves na gawa sa tela. Rubber o latex gloves naman ang ginagamit kapag maghuhugas ng pinggan o maglilinis ng banyo at iba pa. Gumamit din ng gloves kung magga-gardening.
3. I-moisturize ang kamay – Maglagay ng hand cream dalawang beses sa isang araw.
4. Gumamit ng sunscreen – Hyperpigmentation ang isa sa dahilan ng pagtanda ng ating mga kamay. Gumamit ng sunscreen/sunblock para maiwasan ang matinding sikat ng araw.
- Latest