Iba’t Ibang Gamit ng Lemon
1. Panlinis ng sangkalan – Maglagay ng asin sa sangkalan at gawing pangkuskos ang lemon na hinati sa gitna.
2. Panlinis at pampabango ng ref – Gamiting panlinis sa ref ang sponge na binabad sa lemon juice. Bukod sa instant bango, tiyak na tanggal din ang mga mikrobyong namahay dito.
3. Pantanggal ng amoy sa sapatos – Ilagay lang ang balat ng lemon sa loob ng sapatos ng buong magdamag.
4. Pampaputi ng kili-kili, siko, tuhod, at ng mga singit-singit – Walang tatalo sa kakayahan na pampaputi ng lemon. Sa taglay nitong acidity, mabilis nitong mapapaputi ang kutis at matanggal ang dead skin cells. Ikuskos lang ito sa maiitim na bahagi ng katawan at ibabad ng 3-5 minuto bago maligo araw-araw.
5. Pekas at kulubot sa mukha – Ilagay ang hiniwang lemon sa mukha (iwasan ang malapit sa mata). Mapapaputi nito ang mga pekas at mababanat ng bahagya ang kutis.
- Latest