Lumpia ng New Pou Heng Sakto Lang ang Lasa
Burp Review
May nadiskubre kami sa Ongpin sa Binondo na isang tindahang nagbebenta ng fresh lumpia. Noong una naming tingin ay naalala namin ang famous Globe Lumpia House sa Raon. Parang ganoon din kasi ang ingredients nito, may chopped vegetables (carrots, bean sprouts, baguio beans, at cabbage), parang fried rice noodles, at lettuce. Ang pinagkaiba lang ay mas malaki ang isang serving nito. Siguro nasa times 3 ang laki ng lumpia ng New Pou Heng Lumpia House kaysa sa Globe Lumpia. Pero ang presyo nito ay P60.
Sa unang tikim, medyo nadismaya kami dahil makunat ang lumpia wrapper. Dahil siguro kaunti lang ang sauce na ibinigay.
Masarap naman ang sweet sauce pero hindi masyadong ma-garlic. Ang lasa rin ng mismong lumpia ay hindi ganun ang impact kaya masasabi namin na medyo mahal ito sa presyo ng P60. Pero subukan n’yo rin, baka magustuhan n’yo dahil mas malaki ito sa Globe Lumpia. Burp!
Lasa: 2/5; Presentasyon: 3/5; Presyo: 3/5
Para sa mga suhestiyon tungkol sa pagkain, o kung mayroon kayong recipe na gustong ibahagi, maaaring mag-email sa [email protected]
- Latest
