Seksing Likuran
Marami sa atin ang nag-aasam ng magandang katawan, partikular na ang bilugang puwetan sa pamamagitan lang ng pagda-diet. Sa pagpapaseksi, ang pinakaunang intindihin ay ang kahalagahan ng pag-eehersisyo ay kasing importante rin ng tamang pagkain.
Lahat ng sobra ay hindi maganda kaya ugaliin na kumain ng tamang dami ng protein gaya ng isda, manok, keso, mani, at itlog. Mas maganda rin kung tamang dami lang ng carbohydrates gaya ng tinapay, kanin, mais, atbpa.
Mag-focus sa pagkain ng mga gulay na mayaman sa antioxidants gaya ng broccoli, spinach, at iba pang green vegetables.
Isama sa workout routine ang squats, butt bridges, at lunges.
Sa lunges, kailangan lang ipwesto ang paa kung gaano kalapad ang inyong beywang. Ilagay ang kaliwang paa (gawin din sa kanan) sa unahang bahagi na parang humahakbang ng malaki. Dahan-dahang ibaba ang katawan at i-bend ang mga tuhod. H’wag itong i-bend ng mas malayo sa 90 degrees. Gawin ito ng 10-12 counts ng tatlong beses.
Sa squats naman, ilagay ang dalawang paa kung gaano kalapad ang inyong beywang ay unti-unting ibaba. Mas maganda kung magpapaturo muna sa gym instructor bago ito gawin para mas makita ang epekto.
- Latest