Hugis Puso na Lawa

Ang Montenegro ay isang maliit na bansa na matatagpuan sa southeastern Europe.

Pinakahinahangaan sa naturang bansa ang makapigil hininga nitong tanawin. Halos lahat kasi ng makikita sa ibang bansa ay nandito na tulad na lang ng bundok na nababalutan ng yelo, malinaw na lawa gaya ng Devil’s Lake na aakalain mong wala ka sa Earth, ang Duminator national park kung saan matatagpuan ang malawak ng bukirin, at ang St. George Island and Our Lady of the Rock Island na makikita sa puso ng Bay of Kotor.

Tinawag din na ‘paradise for cats’ ang bansa dahil kahit maraming pusang kalye roon, hindi naman sila pinababayaan ng mga residente. Lahat ng mga ito ay bukas ang pinto na magpakain at magpatuloy sa mga pusang walang tahanan.

Makikta rin sa Montenegro ang mountain river na Tara kung saan kulay asul ang tubig. Isa pa sa pinakadinarayo ng kakaunting turista ay ang hugis pusong lawa na perfect sa mga mag-asawang nagha-honeymoon dahil may kasabihan na sinuman ang magpunta roon na magsing-irog ay hindi maghihiwalay at gaganda ang lovelife.