Nobyo Nang-iwan sa Ere

Dear Vanezza,

May bf ako, pero long distance ang relationship namin. Tapos almost one month na siyang hindi nagti-text o tumatawag. Kahit sa Facebook o skype ay lagi siyang naka-invisible. Hindi ko alam kung bakit niya ako iniwan sa ere. Dapat pa ba akong umasa na magwo-work out ang relasyon namin o i-give up ko na lang siya? - Mia

Dear Mia,

Kung gusto ka niyang kausapin, tiyak na gagawa siya ng paraan, kahit gaano pa ka-hectic ang schedule nito. Ang paglaho niya ay sign na ayaw na nito sa iyo. Sa halip na ma-stress sa kakahintay ay magpaka-busy ka na lang sa iyong pag-aaral at ibang bagay na kung saan marami kang matututunan. Bata ka pa at mabuting ibaling muna ang panahon sa mga bagay na makabuluhan kaysa sa paghihintay sa wala.

Sumasaiyo,

Vanezza