Nobya Tinikman lang ng Naglahong BF

Dear Vanezza,

Tawagin n’yo na lang po akong Tess, 19 years old. May bf po ako. May nangyari na po sa amin. Pero after po noon ay hindi na po siya uli nagparamdam o nagti-text man lang sa akin. Naka-block na rin ako sa Facebook niya. Hindi na rin siya dumadalaw sa amin. Kapag pinupuntahan ko siya sa bahay nila ay pinagtataguan ako. Hindi na rin siya nakikipagkita sa mga tropa namin. Tinikman lang po ba niya ako? Salamat po sa advice. - Tess

Dear Tess,

Huwag mo ng hintayin ang text niya. Anuman ang dahilan ng pag-iwas niya sa iyo ay hindi na mahalaga. Maging aral sa iyo na kahit gaano mo kamahal ang isang lalaki ay hindi tama na ibigay ang sarili. Bata ka pa at may magandang kinabukasan na maaring masira kung puro pag-ibig ang pagtutuunan mo ng pansin. Mabuting pag-aaral ang iyong atupagin. Marami ka pang makikilalang higit sa kanya kaya ‘wag magmadali.

Sumasaiyo,

Vanezza