Saan ba Nagmula ang Fake Eyelashes?
Noong 1800, gumagamit ang mga kababaihan ng cocaine para pamanhidin ang kanilang takipmata para tahiin ang totoong buhok sa kanilang balat.
Taong 1910s naman habang nagtatrabaho ang film director na si D.W. Griffith nang mapansin niyang may kulang sa aktres na si Seena Owen. Inutusan ng director ang mga wigmaker na magdikit ng pekeng pilik-mata sa aktres gamit ang spirit gum. Dahil dito, namaga ang mata ni Seena.
Nagsimula ang Vogue magazine na maglabas ng mga litrato ng babaeng naka-fake lashes noong 1920s at 1930s na hindi naman nagustuhan ng mga kalalakihan dahil nakakatakot daw ito.
Taong 1940s at 1950s nang mauso ang mga fake eyelashes na gawa sa plastic at may iba’t ibang style depende sa gusto ng magsusuot. Ilan sa mga sikat na celebrities na palaging nagsusuot nito ay sina Marilyn Monroe at Rita Hayworth.
Pagkatapos ng 1960s, nauso naman ang mga pilik-mata na sobrang kapal at 20 million na fake eyelashes ang nabebenta bawat taon. Dito sumikat si Twiggy dahil sa sobrang kapal ng kanyang pilik-mata. 1970s at 1980s nang muntik nang mawala ang uso pero muli itong bumalik at ginagamit ng mga model at arista sa kasalukuyang panahon.
- Latest