Nawalan ng Tiwala sa mga Lalaki

Dear Vanezza,

I’m 26 years old, pero takot nang umibig muli mula ng mapikot ang dating bf ko. Dalawang taon na ang nakalipas, dala ko pa rin ang hinanakit at pang­hihinayang.  May bf ako na sinagot ko sa pag-aakalang malilimutan ko ang ex-bf ko. Pero nagi-guilty ako. Siguro dahil nawalan na ako ng tiwala sa mga lalaki. Gusto ko sanang i-break na siya pero paano ang gagawin ko? Mahal niya ako. Payuhan mo ako. - Kim

Dear Kim,

Unfair ito sa bf mo ngayon. Ang kasalanan ng una mong bf ay hindi dapat na pasanin ng bf mo ngayon. Hindi naman lahat ng mga lalaki ay pare-pareho. Limutin mo na siya at huwag gayahin ang ginawa niya sa iyo para makaganti. Huwag mong panghinayangan ang nawalang pag-ibig. Nawala siya dahil hindi niya alam pahalagahan ang pagmamahal mo.

Sumasaiyo,

Vanezza