One-Stop Service Center Para sa OFW

Official nang nagbukas ang unang One-Stop Service Center para sa overseas Filipino wor­kers sa Davao City na matatagpuan sa 5th floor ng Gaisano Mall of Davao.

Tiyak na mai-enjoy ng mga OFW na mga taga-Davao ang one service center na makatutulong na maproseso ang lahat ng kanilang dokomento at requirement sa iisang puntahan lamang.

Bukod sa makakamenos ng oras at pera sa isang lakaran lang ng mga OFW sa Davao na hindi na kailangang magpabalik-balik sa pagkuha ng kailangang papel pagka uwi nila sa ‘Pinas. Dahil dito ay mababawasan ang stress at aberya mula sa OFW na magkakaroon pa ng mas maraming oras na makasama ang kanilang pamilya. Ang One-Stop Service Center ay isa sa direktiba ng Pangulong Rodrigo Duterte bilang pagbibigay ng magandang serbisyo sa mga OFW.

Hiling ng ibang OFW sa iba’t ibang panig sa bansa na magbukas din ng OSSC sa kani-kanilang lugar upang maging madali rin ang proseso ng pag­lalakad ng mga kinakailangang papeles ng ating mga kababayan.