Ipagpasalamat na Nawala si Mister
Dear Vanezza
Tawagin mo na lang akong Nini, 26 years old. Iniwan ako ng aking asawa at sumama sa ibang babae. May isa kaming anak na 3 taon pa lang. Wala akong trabaho at nakasandal sa aking mga magulang na galit sa nangyari. Sa simula pa lang ay iresponsable na ang mister ko. Malakas siyang kumita pero ang iniintrega niya sa akin ay kulang pa sa gastusin. Sabi ng tatay ko ay idemanda ko ang aking asawa. Dapat ko bang gawin ang magdemanda? Alam kong gastos ito at maieskandalo ang aming pamilya.
Dear Nini,
Totoong gagastos ka, pero kung ang hinahabol mo ay katarungan lalo na para sa nag-iisa ninyong anak, iyan nga marahil ang dapat mong gawin. Kung hindi lang dahil sa inyong anak ay dapat mo pang ipagpasalamat ang kanyang pagkawala.
Sumasaiyo,
Vanezza
- Latest
