Saang Lugar mo Gustong Magretiro?
* Nandito kami ng mister at mga anak ko sa Scotland dahil isa akong nurse, pero pagtanda namin ay gusto pa rin naming umuwi ng ‘Pinas. Plano namin na ma-enjoy ang naipundar naming bahay sa ‘Pinas balang araw. Tutal naman kami na lang ang maiiwan ng mister ko, kapag nag-asawa na ang dalawang anak namin. – Tatz, Scotland
* Pangarap ko mag-stay sa Bukidnon pagretiro ko balang araw. Malinis ang paligid, sariwa ang hangin, masasarap ang pagkain tulad ng gulay at isda. Tahimik ang lugar na malayo sa gulo at ingay. – Mitz, Dubai
* Kahit marami na akong bansa na napuntahan dahil sa trabaho ko, gusto ko pa rin bumalik ng ‘Pinas at umuwi sa probinsya namin sa Pangasinan. For there’s no place like home ‘di ba? Masarap pa rin tumanda na kasama ang pamilya. – Miles, U.K.
* Hindi naman siguro masama na mangarap na pumunta ng Australia dahil kahit malamig o mainit ang panahon ay maganda doon. Parang masarap tumira dun na mura pa ang bilihin kaysa sa ibang bansa. – Camille, Manila
*Kung mababait ang nurse na mag-aalaga sa akin at maganda ang nursing home. Okey na ako sa home for the aged na marami kang magiging friends na makakasama, para hindi na ako maging pabigat sa mga anak ko. – Carol, Navotas
- Latest
