Pampalambot ng nayuping unan

Kadalasang nagiging problema sa mga unan ay ang tila pagkayupi nito sa pagdaan ng panahon. May ibang unan na kailangang palitan ang laman o fillers sa loob para maging “fluffy” ulit at masarap higaan. Minsan naman ay hindi na kailangan pang gumastos dahil ang kailangan lang dito ay paarawan ng ilang oras habang binabaliktad ng ilang beses. Ingatan lang na huwag masyadong matagal ang pagpapaaraw dahil maaaring mag-fade ang kulay ng tela nito. Kung hindi naman ito makulay at walang pattern, ay wala nang dapat pang alalahanin.

Ang pagbibilad nito sa araw ay nakatutulong para mawala ang moisture ng unan kaya siguradong babalik ang pagiging malambot at “fluffy” nito. Siguruhin lang na sa tuyo at malinis na lugar ibibilad ang unan para hindi madumihan.

Ito po ang inyong Kumpunerong Kuya na nagsasabing, kung gusto maraming paraan!