Toilet Paper na Gawa sa 24K Gold!

Grabe na ‘to!

Sino’ng mag-aakala na mayroong gagawa ng toilet paper na yari sa ginto? Ang Toilet Paper Man, isang Australian company ay gumawa ng 3-ply toilet paper na mula sa 24-karat gold. Mababasa sa website ng kumpanya , “As you use the toilet paper, 24 karat gold flakes will fall onto the floor and (from) your behind taking you to another level of sophistication.”

Sa kasalukuyan ay ibinebenta ito sa halagang AUD 1,558,335. Isang piraso lang ito at siguradong ang makabibili lang ang magkakaroon ng pinakamahal na toilet paper sa buong mundo.

Pero sino nga ba ang gugustuhing ipamunas lang sa dumi ang gold? Siguro ay ‘yung mga sobrang yaman lang at literal na itinatapon lang ang pera sa kung saan. Ayon pa sa kumpanya, experience lang ng paggamit ang ibinebenta nila. Wala naman kasing pagkakataon na makapagpahid ka ng ginto sa puwitan ‘di ba?