Bride sa China, Pinapana!
Papatapos na ang buwan ng Hunyo at may mga humahabol pa rin na kung tawagin ay June bride.
Sa China ay may tinatawag silang tradisyon na ‘Shooting the Bride’. Ang tradisyong ito ay ginagawa ng Yugur ethnic group na naninirahan sa Sunan Yugur Autonomouse Country of Northwest China’s Gansu province.
Sa nasabing tradisyon, kailangang panain ng groom ang kanyang bride ng tatlong arrow (na walang sharp arrow head). Pagkatapos niyang panain ang kanyang bride ay pupulutin niya ang tatlong arrow at babaliin ang mga ito sa ilang piraso. Ang nasabing gawain ng groom ay magpapatibay umano sa relasyon ng mag-asawa at maiiwasan ang kanilang pag-aaway at paghihiwalay.
Marahil ay sumisimbulo ito na wala nang ibang maaaring “pumana” sa asawa niya at siya lamang ang maaaring magmahal dito. Sumisimbulo rin siguro ito na hindi na niya uulitin pang “saktan” ang kanyang mapapangasawa at mamahalin hanggang huling hininga nito.
- Latest