Lolo Hindi Maiwan ang Bahay sa Baybayin

Grabe na ‘to!

Masarap manirahan sa baybayin lalo na sa mga beach lover at mga taong mahilig tumingin sa dagat sa maghapon. Pero dahil sa mga tsunami, pagtaas ng water level, lindol, at erosion, maraming coastal town ngayon ang hindi na magandang tirhan.

Ito ang nangyari sa Jordan River, malapit sa Vancouver, Canada. Dahil sa nadadalas na paglindol at pagbaha ay naubos ang mga naninirahan sa maganda at tahimik sanang lugar na ito. Pero isang residente ang hindi pumayag na lisanin ang kanyang tahanan. Ang 72-year-old na si Hugh Pite ay hinahati ang oras niya sa kanyang dalawang tahanan. May bahay siya sa Brentwood Bay na hindi kalayuan at dito nga sa Jordan River.

Kahit pa sinasabihan na siyang delikado ang nasabing lugar dahil sa mga natural na kalamidad ay hindi pa rin niya nililisan ang kanyang tahanan. Siya na lamang ang nag-iisang residente na may bahay sa nasabing lugar na matagal nang inabandona ng mga tao.