Patatas Para sa Maitim na Kili-kili
Ang pagkakaroon ng maitim na kili-kili ay resulta sa palaging pag-aahit, pagbubunot ng buhok, sobrang pagpapawis, at paggamit ng deodorant anti-perspirants at iba pa.
May kamahalan ang pagpapaputi ng kili-kili lalo na kung ikaw ay kukunsulta sa mga sikat na espesiyalista. Mahal din ang kanilang mga produkto.
Pero alam n’yo bang ang simpleng patatas ay pwedeng makatulong sa maitim na kili-kili?
Nauna nang sumikat ang pagiging epektibo ng patatas sa dark circles/under eye circles pero ngayon, marami ang nagki-claim na pumuti rin ang kanilang underarm dahil dito.
May catecholase ang patatas, isang enzyme na unti-unting nakakapagpaputi ng kutis. Mayroon din itong mild bleaching properties kaya hindi pilit, kundi natural ang kalalabasan ng pagpapaputi.
Mayroon itong anti-oxidants na makatutulong para matanggal/mabawsan ang stretchmarks at wrinkles.
Nakakapagpakinis din ang starch na present sa potatoes. Sagana ito sa potassium, thiamine, riboflavin, phosphorous, iron, at zinc, na nagpapaganda sa ating skincells.
Ilagay lang ng direkta sa kili-kili ang hiniwang patatas, i-masahe ito sa loob ng 20 minuto, at saka banlawan. Gawin ito ng dalawang beses sa isang araw.
- Latest