Disiplinadong OFW
Hindi madali ang maging overseas Filipino workers kahit pa sabihin na nagbubukas ito ng bagong yugto ng career at hamon sa iyong buhay. Pero ang kapalit ay hindi lang ang pag-iwan ng iyong comfort zone, kundi ng mga mahal sa buhay.
Marami ring kakaharaping problema, homesick, pagsubok, tukso, at hirap sa trabaho. Pero ang maganda habang natutunang malampasan ang mga challenges ng pagiging OFW ay maraming nalalaman ay nagkakaroon ng kalayaan na tumayo sa sariling paa. Kung nasa ‘Pinas kahit pa nagtatrabaho, maraming katulong at spoiled mula sa nanay, asawa, at mga kapatid sa paligid. Pero kapag OFW kahit anong posisyon napipilitang ikaw mismo lahat ang gagawa muna sa paglalaba, pagluluto, at mag-excel sa iyong trabaho.
Kaya hinahangaan ang mga OFW dahil mas disiplinado ang Pinoy kahit saan sulok ng mundo.
- Latest
