Cyclops ng Pilipinas
Kung may Cyclops ang Greek mythology ay hindi rin patatalo ang mga Pinoy. Mayroon tayong tinatawag na Bungisngis na halimaw na nakatira umano sa Orion, Bataan. Ang bungisngis ay isang one-eyed monster at kilala sa kakaiba nitong tawa, kaya ito tinawag na ganoon. Ang bungisngis ay galing sa salitang-ugat na ngisngis na ang ibig sabihi’y “to giggle” sa Ingles.
Pero ‘wag palilinlang sa pangalan nito dahil ayon sa alamat, ang bungisngis ay isang cannibal giant na nakakatakot ang hitsura. Ang sabi sa mga kwentu-kwento, bukod sa may isa itong mata sa gitna ng noo ay malaki rin ang itaas na bahagi ng bibig nito.
Mayroon din daw itong malalaking ngipin at mahahabang pangil na tulad sa African elephant.
Ayon naman sa ibang kwento, hindi ito kasingnakakatakot tulad ng Greek/counterpart nito dahil isa raw itong bumb giant. Pero dahil ang Philippine mythology ay base sa oral tradisyon, may iba-iba itong kwento at bersyon.
Naniniwala ba kayo na mayroon ngang ganitong klaseng halimaw sa Bataan?
- Latest
