Dalaga Binobosohan ng Sariling Pinsan

Dear Vanezza,

Nagpatira ang nanay ko ng pinsan kong lalaki sa bahay namin. Pero ilang araw lang ay panay na ang inom tuwing gabi. Nahuli ko siyang sinisilipan ako habang naliligo nang minsan ako lang ang naiwan sa bahay.  Sumigaw ako at tumakbo sa labas ng banyo. Isinumbong ko ang pinsan ko kay nanay pagdating nito. Pero hindi siya naniwala sa sinabi ko. Mas pinaniwalaan pa niya ang pinsan ko, pero umalis na rin ng bahay namin. Mula noon ay nawala na ang amor ko sa nanay ko. Hihintayin pa ba niya na may mangyari sa akin bago ako paniwalaan ni nanay? – Maricel

Dear Maricel,

Pwede kang mag-report sa DSWD sa inyong lugar upang bigyan ka ng tamang counseling dahil sa iyong trauma. Para makausap din ang iyong nanay para turuan kung paano ka dapat protektahan. Dapat mo rin ipaalam sa iyong tatay ang nangyari para magkaroon ng dobleng ingat sa pagpapatira ng kamag-anak sa inyong bahay.

Sumasainyo,

Vanezza