Nobya Ipinagpalit sa Bakla

Dear Vanezza,

Magkahiwalay sila ng tatay at nanay ko. May kanya-kanya na silang buhay. Si nanay ay busy sa kanyang nobyo. Kaya wala rin siyang time sa akin kahit magkasama kami sa bahay. Ako naman ay nabuntis ng BF ko. Pero ang malas, ipinagpalit naman ako sa bakla. Manganganak na ako sa December sa edad na 19 years old. Naduduwag ako kung paano ko ipapaliwanag sa anak ko na ipinagpalit kami ng tatay niya sa isang bading. Kahit ako hindi ko rin maintindihan. Paano ko ba sisimulan ang buhay ko? – Lizza

Dear Lizza,

Huwag mo munang masyadong problemahin ang bagay na wala pa. Saka mo na lang isipin kapag dumating na ang araw na kailangan mo itong sabihin sa anak mo. Ang importante ay manganak ka nang maayos at maging malusog ang baby mo.  Magpokus sa iyong anak at sa  mga bagay na puwede mong gawin habang bata ka pa. Habang may buhay ay may pag-asa pa. Makakakita ka pa rin ng lalaking magmamahal sa iyo ng totoo.

Sumasainyo,

Vanezza