Hotel sa Ilalim ng Tubig

Marahil ay isang ordinaryong floating hotel lang ang The Manta Resort na matatagpuan sa Pemba Island, Tanzania kung hindi dahil sa kakaiba nitong paandar.

Bukod kasi sa may kwarto ito na nakalutang sa dagat, mayroon din itong kwarto sa ilalim na nababalutan ng salamin kaya makikita ang view sa ilalim ng dagat na parang nagda-diving.

Relaxing ang pagtulog sa ‘ilalim’ ng dagat dahil sa asul na kulay nito.

Dahil sa malaking bintana, maoobserbahan din ang buhay ng mga laman-dagat tulad ng jellyfish, pusit, at iba’t ibang klase ng isda.

Bukod sa nakakalulang tanawin, nakakalula rin ang presyo ng overnight stay sa underwater room dahil nagkakahalaga ito ng isang libong Euro o halos 56,000php.