Wedding Gown sa Iba’t ibang Bansa

Karamihan sa mga ikinakasal na babae ay puting bestida ang suot samantalang coat and tie naman sa mga lalaki.

Ayon sa mga pag-aaral, si Queen Victoria raw ang unang nagsuot ng puting pang-kasal na minana na nga ng kasalukuyan.

Pero alam n’yo ba kung anu-ano ang tradisyonal na damit ng mga ikinakasal sa ibang bansa? Narito ang ilan sa mga pasilip:

Japan – Dalawa o higit pa ang suot na damit ng ikinakasal na babae at kakaiba rin ang suot nilang headdress na tinatawag na Tsunokakushi.

Ghana – Makulay ang suot ng mga taong ikinakasal sa Ghana. Bukod dito ay kakaiba rin ang mga disensyo at pattern nito depende sa pamilyang kanilang kinabibilangan.

India – Red at pink ang tradisyonal na pinipiling kulay ng mga kinakasal na Indian. Sa northern region, nilalagyan ng red dot sa gitnang bahagi ng noo ang babaeng may kabiyak na.

Norway – Common sa bansang Norway ang pagsusuot ng burnad, ang kanilang tradisyonal na damit, sa mga espesyal na okasyon gaya ng kasalan at binyagan.