Pantanggal ng Natusta at Nanikit na Pagkain

Burp Tips

Aminin nating nasunugan na tayo ng niluluto dahil naging busy sa pakikipagtsismisan sa telepono o pag-aadik sa Koreanovela o kung anu pa mang palabas sa telebisyon. Hahaha.

Ang nasunog na niluluto ay siguradong naninikit sa kaldero o kawali. Mahirap pa itong tanggalin at mahirap namang kuskusin ng kutsara o kutsilyo ang ilalim ng mamahaling lutuan para lang matanggal ang tutong na pagkain. Pero may tip kami para mas mabilis na matanggal ang natutong at nanikit na pagkain sa lutuan.

Kailangan lang maglagay ng dalawang kutsa­rang baking soda sa kaldero o kawali at lagyan ng kaunting suka. Iwan itong nakatakip at ibabad sa loob ng isang oras. Pagkatapos ng isang oras ay magugulat kayong madali nang matanggal ang natustang pagkain. Banlawan na lang at hugasan ng dishwashing liquid at baking soda. Burp!

Para sa mga suhestiyon tungkol sa pagkain at pagluluto, o kung mayroon kayong recipe na gustong ibahagi, maaaring mag-email sa [email protected]