Sino’ng Mas Possessive?

• No. 1 diyan ang mga lalaki ‘di ba? Feeling nila pag-aari nila ang mga babae. Yung tipong sasakalin ka talaga. Kahit wala ka na sa tabi nila kailangan tumawag, mag-text, at sisitahin ka pa kung bakit ka ginabi. Samantalang totoo namang trapik. – Sonia, Legaspi

• Naku, oo nga selosa kaming mga babae, pero ang lalaki sobrang possessive. Kulang na lang ay talian ka sa leeg. Para lang hindi ka na mawala sa paningin nila. Nakakasakal ‘di ba? Halos wala ka nang life dahil gusto nila nasa tabi ka nila palagi. Sila rin ang nagdidikta kung ano lang ang pwede mong gawin. – Jane, Los Baños

• Pareho lang possessive ang mga babae at lalaki. Parehong praning na hindi healthy sa isang relasyon. Kasi wala ang totoong love, kundi para ka na lang tao-tauhan sa buhay niya kapag nabiktima ka ng selfish at baliw na tao. – Cecile, Rizal

• May ganyan akong bf dati. May banta pa na magpapakamatay kapag iniwan ko siya. Nakakatakot ‘di ba? Mabuti na lang hindi pumayag ang nanay ko na makasal nang wala sa oras ng lalaking ‘yun. – Jessica, Malabon

• Ewan ko ba, yung ate ko kapag hindi nakikita ang BF niya nagwawala. Akala mo katapusan na ng kanyang mundo. Natakot yung nobyo niya dahil sa sobrang possessive. Walang magawa ang ate ko. Naka-move on din sa dati niyang BF. Sa wakas nauntog na maraming lalaki sa mundo at may sarili siyang buhay na puwedeng pagkaabalahan.     

            – Ellie, Manila