Bata, Ginamit ang Naipon na Pera Para sa Aso
Para sa mga ibang bata, ang kanilang natirang pera mula sa kanilang baon o allowance ay nilalaan nila para makabili ng laruan at kendi.
Kaya naman laking tuwa ni Elyse Betschart dahil kakaiba ang ginawa ng anak na si Jaxton, apat na taong gulang sa pera nitong naipon.
Gusto ni Jaxton na mag-adopt ng aso mula sa isang animal shelter.
Sobrang excited si Jaxton na makita si Tank na isang pit bull kaya naman dali-dali itong tumakbo sa bahay ng aso.
Kaso lang, hindi pala niya pwedeng ampunin ang aso dahil sa breed restrictions sa military housing.
Nalungkot ang bata pero agad na ipinaliwanag ni Elyse na matutulungan pa rin niya ang mga aso sa pamamagitan ng pag-sponsor sa mga ito.
Kaya naman agad na inilaan ni Jaxton ang pera sa sponsorship ng mga ito. Ang ibig sabihin, mabibigyan ng tamang pansin ang bakuna, sakit, de-worming, at iba pang treatment na kailangan ng mga aso.
- Latest