Para Ma-magnet si Mister

Karaniwan ang mga babae ay security minded, minsan ang kailangang security ni misis ay mula sa kanyang sexual desire na nadidiligan ni mister.  Pero sa kabilang banda, hindi naman madalas masabi ni mister, inaakala rin ni misis na kuntento na ang kanyang asawa. Pero ang  totoo ay hindi pala physically satisfied si hubby.

Huwag mag-assume, kundi maging handang ibigay ang sarili kay mister. Kailangan magsakripisyo para maprotektahan ang relasyon.

Ang pinakamalaking sakripisyo ay ang pagpapaubaya ng sarili kay mister. Susi ito para laging ma-magnet si mister kay misis at masiguradong happy kayong dalawa. Ang tunay na pagmamahal ni misis kay mister ay isang paraan ng pag-please sa kanyang asawa.

Kaya kung magkasama, siguraduhing sabihin kay mister na tanggap ang kanyang buong pagkatao at ma­ging ang kanyang kahinaan. Tulad ng kanyang katawan na imperfect man ay balewala sa paningin ng mga misis.  Hindi naiiwasan dahil sa nagkakaedad ay nagsisimula nang lumapad ang noo at lumalaki na ang tiyan ni mister.

  Hayaang unti-unting mag-grow ang kanyang tiwala sa sarili  upang magkaroon ng kalayaan na matanggap ang kanyang sarili  at mga imperfection ni mister.