Dalaga sa Belarus Hinuhulaan ng Manok Kung Magpapagpakasal na
May kakaibang tradisyon ang mga single na babae sa Belarus.
Nagaganap ito tuwing bago pumatak ang unang araw ng taon. Naglalaro sila ng isang kakaibang laro. Hihilera ang mga single na babae at lalagyan ng tambak na mais ang tapat ng bawat babae. Pagkatapos nito ay magpapakawala sila ng isang manok. Ang pinakaunang tambak ng mais na maubos ang siyang sinasabing suwerte sa darating na taon. At ‘yun na raw ang taon kung saan makakapangasawa ang dalaga.
Isa pang laro naman ay ginagamitan ng dalawang salamin, ipagtatapat ito at isa umano sa salamin ang magpapakita ng future husband niya.
Naggugrupo rin ang mga single ladies sa Belarus para magkaroon ng parang fortune telling game kung saan titingnan nila kung sino ang unang magkakaasawa sa kanila at magkakapamilya sa darating na taon.
Sadyang mahilig manghula at gumamit ng laro ang mga taga-Belarus, pero masaya itong tradisyon na pang-aliw din naman sa mga dalaga.
- Latest