E-F Surplus miilog balik sa liderato

CEBU, Philippines - Nailog og balik sa E-F Surplus ang solong liderato human makaeskapo bitbit ang 65-63 nga kadaugan batok sa Villa Rina Subdivision sa J&J Surplus Ballclub 7th Conference basketball tournament niadtong Huwebes didto sa GT Academy gym sa Tayud,  Lilo-an.

Ang E-F Surplus nga nagbitbit og 6-1 nga baraha, gipangulohan ni Anton Tranghia nga miratsada og 16 puntos.

Mipakita sab og nindot nga salida ang team manager nga si Fury Trazona nga mikambiyada  og 13 puntos, samtang sila si Apyak Sabang ug Tata Betinol nagkumbinar og 21 puntos sa E-F Surplus nga   hayag na kaayo nga moabante sa sunod hugna.

Si Kaka Radoc lang ang naka-double digits sa iyang 19 puntos aron pangulohan ang Villa Rina Subdivision ni team manager Joel Camello.

Sa laing aksiyon,  ang  Domz Auto Supply ni Domz Mercader  midemolis sa Gyro Steel ni Lando Mendoza sa iskor nga 72-58.

Sila si Terrence Cadao ug Jun Santosidad maoy nangulo sa tagsa-tagsa nila ka koponan. Si Cadao mitusak og 30 puntos aron pangulohan ang Domz Auto Supply, samtang si Santosidad mihakot og 13 puntos sa Gyro Steel.

Gilubong sab sa Union Galvasteel  ni Arnold Labustro ang YUFO ni Ramon Estole, 76-55.

Si Bonnie Capin maoy topscorer sa Union Galvasteel nga mipatuasik og 11 puntos, samtang nakawang lang ang 28 puntos ni A. Polosan kay nahagba na sab ang YUFO.

Puntos matag usa

Unang duwa:

E-F Surplus (65) – Tranghia 16, Fury 13, A. Sabang 11, Betinol 10, Palo 5, Caballes 4, Amer 2, K. Sabang 2, Arjie 2.

VILLA RINA Subd. (63) – Radoc 19, J. Arnado 9, Rendon 9, Abenza 6, Yurag 6, Enoc 4, Roxas 2, V. Arnado 2, Dumon 2, Onate 2, Morales 2.

Ikaduhang duwa:

DOMZ Auto Supply (72) – Cadao 30, Icot 12, Oyao 8, Bano 8, Arevalo 7, Ortiz 5, Mercader 2.

GYRO Steel (58) – Santosidad 13, D. Cal 9,   Cal 8, T. Cal 7, Briones 7, Degamo 4, Mendoza 2, Ruales 2, Dela Cruz 2, Monleon 2, J. Briones 2.

Ikatulong duwa:

UNION Galva Steel (76) – Capin 11, Dejarme 9, Retiza 9, Boyles 6, Judaya 5, Labustro 4, Ravanna 4, Riveral 4, Macasero 4, Gestopa 2, Lozano 2, Mantos 2, Gellocane 2, Flores 2, Orongan 2, Barro 2.

YUFO (55) – Polosan 28, Estole 10, Jugalbot 6, Mangubat 6, Normandia 5. (BANAT NEWS)