Security officer inutas
MANILA, Philippines - Pinatahimik ang 59-anyos na security officer matapos itong pagbabarilin ng hindi kilalang lalaki sa Barangay Canlubang, Calamba City, Laguna kamakalawa ng gabi. Napuruhan sa likurang bahagi ng katawan ang biktimang si Jose Amberon Sr. ng Vista Homes Subd., Sitio Majada sa Brgy. Canlubang sa nasabing lungsod. Batay sa police report na nakarating sa Camp Crame, kababa lamang ng biktima sa kaniyang Toyota Fortuner (ABP 88) nang lapitan at ratratin ng mga maskaradong kalalakihan na may ilang metro lang sa pintuan ng kanyang bahay. Animo’y walang naganap na pamamaril matapos maglakad lamang ang gunmen palayo sa crime scene kung saan nagkagulo ng mga tao sa nasabing lugar. Narekober sa crime scene ang mga basyo ng bala ng cal. 45 pistol habang patuloy ang imbestigasyon.
- Latest