Uy tutulong sa paglikom ng P1 bilyong pondo na pansuporta sa PSI

MANILA, Philippines - Nangako si Presidential Adviser for Sports Dennis Uy na pangunahan ang paglikom ng mahigit P1 bilyon pesos mula sa private sector para suportahan ang Philippine Sports Institute (PSI) na inilunsad kahapon sa Philsports Complex Multi-Purpose Arena sa Pasig City.

Sinabi ni Uy na siya ring Chairman at Chief Executive Officer (CEO) ng Phoenix Petrolium-Philippines na mahalaga ang PSI  na  proyekto ng Philippine Sports Commission para sa pag-unlad ng sports sa buong bansa.

 “I pledged to spearhead the move in the private sector to raise at least P1 billion for the support of the PSI,” sabi ni Uy sa grand inaugural ng PSI na dinaluhan ng iba’t ibang sports leaders ng bansa.

Ayon naman kay Cabinet Secretary Leoncio Evasco Jr. ang PSI ay nahahanay sa strategic thrust ni Pangulong Rodrigo Duterte para sa grassroot deve-lopment program ng administrasyon upang mailayo ang mga kabataan sa droga.

“PSI fully align with the strategic thrust of President Rodrigo Duterte administration to improve grassroots development program in sports,” ayon kay Evasco na siyang keynote speaker sa grand opening.

“The President’s  (Rodrigo Duterte) marching order is to insure that all in the country will have access in sports, that all will benefit our sports development especially on facilities,” dagdag ni Evasco.

Pinangunahan ni PSC chairman William “Butch” Ramirez ang paglulunsad sa PSI kasama sina commissioners Ramon Fernandez, Arnold Agustin, Celia Kiram at Charles Maxey.

Dumalo rin sa pagtitipon ang mga matataas na opisyal mula sa Embassy ng China, Korean Institute for Sports at mga miyembro ng Kamara na sina Conrado Estrella Jr, Chiquie Roa-Puno ng Antipolo at marami pang iba.

Dumating din at na-ngako ng suporta si Philippine Olympic Committee president Jose Cojuangco, POC first vice-president Joey Romasanta at iba’t ibang mga opisyal ng National Sports Associations.

“We in the POC-NSA, we pledged our unwavering support to the PSI,” sabi ni Cojuangco.