Kontrabidang hipag
Dear Vanezza,
Nakasakay na sa barko ang panganay namin sa apat na magkakapatid. Ang kaso, hindi na kami puwedeng manghingi sa kanya dahil sa kontrabida niyang asawa. Ang siste pa bait-baitan lang ang hipag namin kapag nandiyan ang kapatid namin. Pero kapag wala si Kuya, naku ni singkong duling hindi man lang kami maambunan. Hindi naman kami sa nanghihingi. Kaso kapag may emergency, nakikiusap kami na manghiram dahil bilin ni Kuya ay sabihin lang namin sa kanyang asawa. Ayaw naman sabihin ni nanay ang totoong sitwasyon dahil ayaw niyang mag-away ang dalawa at dahil magmumukha rin kaming pera. Kaya heto, sabi ni nanay ay nganga na naman ang aming Pasko. – Leny
Dearr Leny,
Hindi siguro away agad ang mangyayari kung sasabihin ng maayos sa inyong kuya ang sitwasyon. Puwedeng i-request sa inyong kapatid na deretso na lang ipadala sa inyo, kung nahihiya kayong kunin sa inyong hipag ang pera. Dapat din maintindihan na kadalasan sa misis talaga pinadadala ang pera para ma-budget ng mag-asawa ang kanilang pera, at nang malaman kung saan napupunta ang kita ni mister.
Sumasainyo,
Vanezza
- Latest