Pacquiao tatalunin si Vargas - Floyd
MANILA, Philippines – Itinuring ng retiradong si American world five-division titlist Floyd Mayweather Jr. si Sen. Manny Pacquiao bilang isa sa pinakamagaling na kanyang nakalaban.
Sa isang panayam ay sinabi ni Mayweather na naniniwala siyang tatalunin ni Pacquiao si world welterweight king Jessie Vargas sa Nobyembre 5 sa Thomas & Mack Center sa Las Vegas, Nevada.
“Out of all the fighters that I’ve faced through out my career, Pacquiao is one of the best fighters,” pagpuri ni Mayweather kay Pacquiao na kanyang tinalo via unanimous decision sa kanilang super fight noong Mayo ng 2015.
Tinukoy ni Mayweather, nagretiro noong Setyembre ng 2015 matapos magtala ng 49-0-0 win-loss-draw ring card para pantayan ang all-time record ni heavyweight legend Rocky Marciano, ang bilis at lakas ni Pacquiao.
“His movement, I mean, he’s fast. The power comes from the legs and how he turns his shots,” wika ng 39-anyos na si Mayweather sa Filipino world eight-division champion
Pipilitin ni Pacquiao (58-6-2, 38 KOs) na agawin kay Vargas (27-1-0, 10 KOs) ang suot nitong World Boxing Organization welterweight crown.
Kasalukuyan nang nasa mainit na pagsasanay si Pacquiao kasama si chief trainer Freddie Roach sa isang Elorde Gym malapit sa Mall of Asia Arena sa Pasay City.
Sa pamamagitan naman ng Facebook ay nakilala ni Vargas si Dewey Cooper, isang dating Muay Thai champion at cruiserweight contender at kinuha niya ito para maging bagong trainer.
- Latest
