Nasaan ang Hustisya?

Dear Vanezza,

Tawagin mo na lang akong Bert, 24, bagger sa isang mall. Nagkakilala kami ni Dale isang customer. Madalas niya akong balikan sa store namin hanggang maging nobya ko siya. Dalawang taon na akong hiwalay sa akin asawa. Kay Dale ko nakita ang hinahanap ko sa isang babae. Matagal na kaming walang komunikasyon ng dating kong asawa. Pero bigla siyang nagpakita at nanggugulo sa aming relasyon ng aking nobya. Siya ang nakipaghiwalay sa akin dahil mahirap at maliit lang ang sahod. Ginawa ko lahat para hindi masira ang aming pamilya, pero ipinagpalit niya ako sa iba. Ngayong wala na sila ng kalaguyo niya at nagseselos sa GF ko ay saka siya babalik sa akin. Pagkatapos niya akong lagyan ng ipot sa ulo nasaan ang hustisya?

Dear Bert,

Dahil kasal pa rin kayo may karapatan pa rin ang asawa mo na maghabol sa iyo. Kung talagang nagsisisi siya ng totoo ay maaaring bigyan mo pa ng pangalawang pagkakataon para maayos ang inyong pamilya. Patawarin mo ang iyong asawa na naging mahina. Mag-usap kayo ng masinsinan.

Sumasaiyo,

Vanezza